ਜ਼ਿੰਦਗੀ ਦਾ ਦੌਰ

 

ਜ਼ਿੰਦਗੀ ਦਾ ਕੈਸਾ ਦੌਰ ਆ ਗਿਆ,

ਪਲਾਂ ਵਿਚ ਸਭ ਕੁਝ ਮੁਕਾ ਗਿਆ।

ਰੰਗੀਨ ਖ਼ੁਆਬ ਬੁਣੇ ਸੀ ਜੋ ਦਿਲ ਨੇ,

ਸਭ ਉਧੇੜ ਕੇ ਮਿੱਟੀ ਪਾ ਗਿਆ।

ਇਸ਼ਕੇ ਦੀ ਐਸੀ ਪਈ ਮਾਰ,

ਹੌਕਿਆਂ ਵਿਚ ਸਭ ਕੁਝ ਵਹਾਅ ਗਿਆ।

ਜੋ ਨਾ ਸੋਚਿਆ ਸੀ ਅੱਜ ਤੱਕ ਕਦੇ,

ਅੱਜ ਉਹੀ ਅੱਖੀਂ ਦੇਖ ਘਬਰਾ ਗਿਆ।

ਵਫ਼ਾ ਦੀ ਚੱਕੀ ਚੜ੍ਹਦੇ ਰਹੇੇ ਜਿਸ ਲਈ,

ਉਹੀ ਦਗੇਬਾਜ਼ ਰੂਹ ਤੜਫ਼ਾ ਗਿਆ।

ਧੁਰੋਂ ਆਏ ਹਰਫ਼ ‘ਬਲਜਿੰਦਰ’ ਅੰਦਰ,

ਮੌਲਾ ਨਜ਼ਮਾਂ ਹੱਥੀਂ ਲਿਖਾ ਗਿਆ। 

ਜ਼ਿੰਦਗੀ ਦਾ ਕੈਸਾ ਦੌਰ ਆ ਗਿਆ,

ਪਲਾਂ ਵਿਚ ਸਭ ਕੁਝ ਮੁਕਾ ਗਿਆ।

ਬਲਜਿੰਦਰ ਕੌਰ ਸ਼ੇਰਗਿੱਲ