ਮੈਂ ਤੈਨੂੰ ਪੁੱਛਿਆ,
ਦੱਸ ਮੈਂ ਕੌਣ ਹਾਂ।
ਮੁਰਸ਼ਿਦ ਤੋਂ ਪੁੱਛਣਾ,
ਮੈਂ ਤੇਰੀ ਮੁਰੀਦ ਹਾਂ।
ਤੂੰ ਮੇਰਾ ਪੀਰ ਵੀ ਹੈ,
ਰੂਹਾਂ ਦੀ ਜਾਗੀਰ ਵੀ ਹੈ।
ਖੁਦਾ ਦੀ ਦਿੱਤੀ,
ਤੂੰ ਮੇਰਾ ਮੁਰਾਦ ਹੈ।
ਦਾਤਾਂ ਨਾਲ ਭਰੀ ਝੋਲੀ।
ਮੇਰੀ ਫਕੀਰਾਂ ਨੇ।
ਮੈਂ ਤੇਰੀਆਂ ਆਸਾਂ,
ਤੇ ਸੱਧਰਾਂ ਦਾ ਬੂਰ ਹਾਂ।
ਮੈਂ ਤਾਂ ਝੱਲਿਆ,
ਤੇਰੇ ’ਚ ਸਮਾਈ ਇੱਕ ਰੂਹ ਹਾਂ।
ਮੈਨੂੰ ਵੇਖ ਧੁਰੋਂ,
ਨਿਗ੍ਹਾ ਦੇ ਨਾਲ।
ਮੈਨੂੰ ਪਹਿਚਾਣ,
ਆਪਣੇ ਸਾਹਾਂ ਨਾਲ।
ਮੈਂ ਹੀ ਤੇਰੇ ਸੁੱਚੇ,
ਮੋਤੀਆਂ ਵਾਲੀ ਜਾਗੀਰ ਹਾਂ।
ਤੇਰੇ ਹੌਕਿਆਂ ’ਚ
ਅੱਖਾਂ ਦਾ ਨੀਰ ਹਾਂ।
ਕੋਈ ਵਜ੍ਹਾਂ ਹੈ,
ਜੋ ਮਿਲੇ ਹਾਂ ਇਸ ਜਨਮ ਵੇ।
ਮੈਂ ਤੈਨੂੰ ਪੁੱਛਿਆ,
ਦੱਸ ਮੈਂ ਕੌਣ ਹਾਂ?
ਬਲਜਿੰਦਰ ਕੌਰ ਸ਼ੇਰਗਿੱਲ
No comments:
Post a Comment