ਫੁੱਲ

ਫੁੱਲਾ ਵੇ ਫੁੱਲਾ , ਤੂੰ ਤਾਂ ਬੜੀ ਮਹਿਕ ਖਿਲੇਰੀ,

ਵੇਖਦਿਆਂ ਹੀ ਤੈਨੂੰ ਰੂਹ ਖਿੜ ਗਈ ਮੇਰੀ।

ਕੰਡਿਆਂ ਸੰਗ ਖਿੜ੍ਹਿਆ ਦੇਖ ਤੈਨੂੰ ਮਿਟ ਗਈ ਉਦਾਸੀ ਮੇਰੀ,

ਜਿਵੇਂ ਤੂੰ ਆਖੇ ਮੈਨੂੰ ਆਜਾ ਖਿੜ ਜਾ ਵਾਂਗ ਮੇਰੀ।

ਤੇਰੀ ਇੱਕ ਛੋਹ ਨੇ ਮੇਰੇ ਦਿਲ ’ਚ ਲਿਆ ਦਿੱਤੀ ਨੇਰੀ,

ਝੱਲ੍ਹੇ ਜਿਹੇ ਦਿਲਾਂ ਨਾਲ ਤੇਰੀ ਹੈ ਸਾਂਝ ਬਥੇਰੀ।

ਮਨਮੋਹਣੀ ਤੇਰੀ ਸੂਰਤ ਸੋਹਣੀ ਮੁਰਝਾਏ ਦਿਲ ਗਲੀ ਆਉਂਦੇ ਤੇਰੀ,

ਤਿੱਤਲੀਆਂ ਨੇ ਬਹਾਰਾਂ ਲਾਈਆਂ ਕਈਆਂ ਨੇ ਲੈ ਲਈ ਸੈਲਫੀ ਤੇਰੀ।

ਨਹੀਓਂ, ਤੇਰੀ ਉਮਰ ਲੰਮੇਰੀ ਪਰ ਤੇਰੀ ਮਹਿਮਾ ਘਣੀ ਘਨੇਰੀ,

ਸੂਰਜ ਦੀਆਂ ਕਿਰਨਾਂ ਪੈਂਦੇ ਹੀ ਖਿੜ-ਖਿੜ ਲਿਆ ਤੀਂ ਹਨ੍ਹੇਰੀ।

ਮਿੰਨੀ-ਮਿੰਨੀ ਹਵਾ ਜਦ ਚੱਲੇ ਲੋਕੀਂ ਆ ਖੜ੍ਹਦੇ ਤੈਨੂੰ ਘੇਰੀ,

‘ਬਲਜਿੰਦਰ’ ਦੀ ਤਾਂ ਜਾਨ ਕੱਢ ਲਈ ਜਦ ਤੱਕੀ ਜੋੜੀ ਤੇਰੀ।

ਫੁੱਲਾ ਵੇ ਫੁੱਲਾ , ਤੂੰ ਤਾਂ ਬੜੀ ਮਹਿਕ ਖਿਲੇਰੀ,

ਵੇਖਦਿਆਂ ਹੀ ਤੈਨੂੰ ਰੂਹ ਖਿੜ ਗਈ ਮੇਰੀ।

ਬਲਜਿੰਦਰ ਕੌਰ ਸ਼ੇਰਗਿੱਲ