(ਪਾਠਕਾਂ ਦੇ ਵਿਚਾਰ ) ਸੰਵੇਦਨਾਵਾਂ ਦੀ ਕਲਮਕਾਰ: ਬਲਜਿੰਦਰ ਕੌਰ ਸ਼ੇਰਗਿੱਲ ਦਾ ਸਾਹਿਤਕ ਅਤੇ ਪੱਤਰਕਾਰੀ ਸਫ਼ਰ : ਡਾ ਮਹਿੰਦਰ ਸਿੰਘ ਝੱਮਟ

ਪੰਜਾਬੀ ਸਾਹਿਤ ਅਤੇ ਪੱਤਰਕਾਰਤਾ ਦੇ ਖੇਤਰ ਵਿੱਚ ਬਲਜਿੰਦਰ ਕੌਰ ਸ਼ੇਰਗਿੱਲ ਇੱਕ ਅਜਿਹਾ ਨਾਮ ਹੈ, ਜਿਸ ਨੇ ਆਪਣੀ ਸੰਵੇਦਨਸ਼ੀਲ ਸੋਚ, ਸਾਦਗੀ ਭਰੀ ਲਿਖਤ ਅਤੇ ਸਮਾਜ ਪ੍ਰਤੀ ਜ਼ਿੰਮੇਵਾਰ ਦ੍ਰਿਸ਼ਟੀਕੋਣ ਨਾਲ ਵੱਖਰੀ ਪਛਾਣ ਬਣਾਈ ਹੈ।

 ਉਹ ਉਹਨਾਂ ਲੇਖਿਕਾਵਾਂ ਵਿੱਚੋਂ ਹਨ, ਜਿਨ੍ਹਾਂ ਨੇ ਜੀਵਨ ਦੇ ਅਨੁਭਵਾਂ ਨੂੰ ਸਿਰਫ਼ ਮਹਿਸੂਸ ਹੀ ਨਹੀਂ ਕੀਤਾ, ਸਗੋਂ ਉਨ੍ਹਾਂ ਨੂੰ ਸ਼ਬਦਾਂ ਰਾਹੀਂ ਸਮਾਜ ਦੇ ਸਾਹਮਣੇ ਵੀ ਰੱਖਿਆ। ਉਨ੍ਹਾਂ ਦੀ ਲਿਖਤ ਵਿੱਚ ਪਿੰਡ ਦੀ ਮਿੱਟੀ ਦੀ ਮਹਿਕ, ਮਨੁੱਖੀ ਭਾਵਨਾਵਾਂ ਦੀ ਗਹਿਰਾਈ ਅਤੇ ਸਮਾਜਕ ਚੇਤਨਾ ਦੀ ਸਪਸ਼ਟ ਝਲਕ ਮਿਲਦੀ ਹੈ।

ਬਲਜਿੰਦਰ ਕੌਰ ਸ਼ੇਰਗਿੱਲ ਦਾ ਜਨਮ 15 ਮਈ 1981 ਨੂੰ ਜ਼ਿਲ੍ਹਾ ਫ਼ਤਿਹਗੜ੍ਹ ਸਾਹਿਬ ਦੇ ਪਿੰਡ ਖਮਾਣੋਂ ਕਲਾ ਵਿੱਚ ਹੋਇਆ। ਪਿੰਡ ਦੇ ਸਧਾਰਨ ਅਤੇ ਸੱਭਿਆਚਾਰਕ ਮਾਹੌਲ ਵਿੱਚ ਪਲਦੇ-ਵਧਦੇ ਉਨ੍ਹਾਂ ਨੇ ਜੀਵਨ ਨੂੰ ਬਹੁਤ ਨੇੜੇ ਤੋਂ ਦੇਖਿਆ। ਬਚਪਨ ਤੋਂ ਹੀ ਉਹ ਸ਼ਾਂਤ ਸੁਭਾਅ ਅਤੇ ਗਹਿਰੀ ਸੋਚ ਵਾਲੀ ਵਿਅਕਤੀ ਰਹੀ। ਘਰੇਲੂ ਮਾਹੌਲ, ਲੋਕਾਂ ਦੇ ਦੁੱਖ-ਸੁੱਖ ਅਤੇ ਆਲੇ-ਦੁਆਲੇ ਦੇ ਤਜਰਬਿਆਂ ਨੇ ਉਨ੍ਹਾਂ ਦੇ ਮਨ ‘ਤੇ ਡੂੰਘਾ ਅਸਰ ਛੱਡਿਆ। ਇਹੀ ਅਸਰ ਅੱਗੇ ਚੱਲ ਕੇ ਉਨ੍ਹਾਂ ਦੀ ਲਿਖਤ ਦਾ ਆਧਾਰ ਬਣਿਆ।

ਉਨ੍ਹਾਂ ਨੇ ਆਪਣੀ ਮੁੱਢਲੀ ਸਿੱਖਿਆ ਤੋਂ ਲੈ ਕੇ ਬਾਰਹਵੀਂ ਤੱਕ ਦੀ ਪੜ੍ਹਾਈ ਪਿੰਡ ਖਮਾਣੋਂ ਦੇ ਸੀਨੀਅਰ ਸੈਕੰਡਰੀ ਸਕੂਲ ਤੋਂ ਪ੍ਰਾਪਤ ਕੀਤੀ। ਬਾਅਦ ਵਿੱਚ ਉਨ੍ਹਾਂ ਨੇ ਚੁੰਨੀ ਕਾਲਜ, ਜ਼ਿਲ੍ਹਾ ਫ਼ਤਿਹਗੜ੍ਹ ਸਾਹਿਬ ਤੋਂ ਬੀ.ਏ. ਦੀ ਡਿਗਰੀ ਹਾਸਲ ਕੀਤੀ। ਪੜ੍ਹਾਈ ਦੇ ਦੌਰਾਨ ਹੀ ਉਨ੍ਹਾਂ ਦਾ ਰੁਝਾਨ ਪੜ੍ਹਨ ਅਤੇ ਲਿਖਣ ਵੱਲ ਵਧਣ ਲੱਗਾ। ਉਹ ਆਪਣੇ ਮਨ ਦੇ ਅਹਿਸਾਸ ਕਾਗਜ਼ ‘ਤੇ ਲਿਖਦੀਆਂ ਰਹਿੰਦੀਆਂ, ਪਰ ਉਸ ਸਮੇਂ ਇਹ ਸਿਰਫ਼ ਨਿੱਜੀ ਜਜ਼ਬਾਤਾਂ ਦੀ ਅਭਿਵੈਕਤੀ ਸੀ। ਉਨ੍ਹਾਂ ਨੂੰ ਖੁਦ ਵੀ ਇਹ ਅਹਿਸਾਸ ਨਹੀਂ ਸੀ ਕਿ ਇਹ ਸ਼ੌਂਕ ਇੱਕ ਦਿਨ ਉਨ੍ਹਾਂ ਦੀ ਪਛਾਣ ਬਣ ਜਾਵੇਗਾ।

ਸਾਲ 2012 ਵਿੱਚ ਉਨ੍ਹਾਂ ਨੇ ਪੱਤਰਕਾਰਤਾ ਦੇ ਖੇਤਰ ਵਿੱਚ ਕਦਮ ਰੱਖਿਆ। ਇੱਕ ਅਖਬਾਰ ਦੇ ਦਫ਼ਤਰ ਵਿੱਚ ਸਬ-ਐਡੀਟਰ ਵਜੋਂ ਕੰਮ ਕਰਦੇ ਹੋਏ ਉਨ੍ਹਾਂ ਨੂੰ ਲਿਖਤ ਅਤੇ ਪੱਤਰਕਾਰੀ ਨੂੰ ਨੇੜੇ ਤੋਂ ਸਮਝਣ ਦਾ ਮੌਕਾ ਮਿਲਿਆ। ਅਖਬਾਰ ਦੀ ਸੰਪਾਦਕੀ ਟੀਮ ਨਾਲ ਕੰਮ ਕਰਦਿਆਂ ਉਨ੍ਹਾਂ ਨੇ ਬੇਸ਼ੁਮਾਰ ਲੇਖਕਾਂ, ਕਵੀਆਂ ਅਤੇ ਸਾਹਿਤਕਾਰਾਂ ਦੀਆਂ ਰਚਨਾਵਾਂ ਨੂੰ ਪੜ੍ਹਿਆ। ਇਹ ਪੜ੍ਹਾਈ ਹੀ ਉਨ੍ਹਾਂ ਲਈ ਇੱਕ ਵੱਡਾ ਸਕੂਲ ਸਾਬਤ ਹੋਈ। ਇੱਥੇ ਉਨ੍ਹਾਂ ਨੇ ਸਿੱਖਿਆ ਕਿ ਸ਼ਬਦ ਸਿਰਫ਼ ਲਿਖਣ ਲਈ ਨਹੀਂ ਹੁੰਦੇ, ਸਗੋਂ ਸਮਾਜ ਨੂੰ ਜਾਗਰੂਕ ਕਰਨ ਅਤੇ ਸੋਚ ਨੂੰ ਨਵੀਂ ਦਿਸ਼ਾ ਦੇਣ ਦੀ ਤਾਕਤ ਵੀ ਰੱਖਦੇ ਹਨ।

ਉਨ੍ਹਾਂ ਦੇ ਸਾਹਿਤਕ ਸਫ਼ਰ ਦੀ ਅਸਲ ਸ਼ੁਰੂਆਤ ਇੱਕ ਲੇਖ ਨਾਲ ਹੋਈ। ਮਿੱਟੀ ਦੇ ਬਰਤਨਾਂ ਨਾਲ ਜੁੜੇ ਵਿਸ਼ੇ ‘ਤੇ ਉਨ੍ਹਾਂ ਨੇ ਤਿੰਨ ਦਿਨਾਂ ਦੀ ਮਿਹਨਤ ਨਾਲ ਇੱਕ ਲੇਖ ਤਿਆਰ ਕੀਤਾ। ਜਦੋਂ ਸੰਪਾਦਕ ਨੇ ਉਸ ਲੇਖ ਨੂੰ ਪੜ੍ਹ ਕੇ ਅਖਬਾਰ ਵਿੱਚ ਪ੍ਰਕਾਸ਼ਿਤ ਕਰਨ ਦਾ ਫ਼ੈਸਲਾ ਕੀਤਾ, ਤਾਂ ਇਹ ਉਨ੍ਹਾਂ ਲਈ ਇੱਕ ਵੱਡਾ ਹੌਸਲਾ ਬਣਿਆ। ਪਹਿਲੀ ਵਾਰ ਆਪਣੀ ਲਿਖਤ ਨੂੰ ਛਪਿਆ ਦੇਖ ਕੇ ਉਨ੍ਹਾਂ ਦੇ ਅੰਦਰ ਇੱਕ ਨਵਾਂ ਵਿਸ਼ਵਾਸ ਜਾਗਿਆ। ਇਸ ਪ੍ਰੇਰਣਾ ਨੇ ਉਨ੍ਹਾਂ ਨੂੰ ਲਗਾਤਾਰ ਲਿਖਣ ਲਈ ਉਤਸ਼ਾਹਿਤ ਕੀਤਾ ਅਤੇ ਫਿਰ ਕਲਮ ਦਾ ਇਹ ਸਫ਼ਰ ਕਦੇ ਨਹੀਂ ਰੁਕਿਆ।

ਬਲਜਿੰਦਰ ਕੌਰ ਸ਼ੇਰਗਿੱਲ ਦਾ ਮੰਨਣਾ ਹੈ ਕਿ ਸਾਹਿਤ ਮਨੁੱਖੀ ਰੂਹ ਦੀ ਆਵਾਜ਼ ਹੁੰਦਾ ਹੈ। ਉਹ ਕਹਿੰਦੀਆਂ ਹਨ ਕਿ ਜਦੋਂ ਮਨੁੱਖ ਦੇ ਅੰਦਰ ਦਰਦ, ਚਿੰਤਾ ਜਾਂ ਕੋਈ ਡੂੰਘਾ ਅਹਿਸਾਸ ਜਨਮ ਲੈਂਦਾ ਹੈ, ਤਾਂ ਕਲਮ ਉਸ ਨੂੰ ਸ਼ਬਦਾਂ ਵਿੱਚ ਬਦਲ ਦਿੰਦੀ ਹੈ। ਉਨ੍ਹਾਂ ਦੀ ਲਿਖਤ ਵਿੱਚ ਸਮਾਜ ਦੇ ਦੁੱਖ-ਦਰਦ, ਔਰਤਾਂ ਦੀਆਂ ਭਾਵਨਾਵਾਂ, ਰਿਸ਼ਤਿਆਂ ਦੀ ਨਜ਼ਾਕਤ ਅਤੇ ਮਨੁੱਖੀ ਸੰਵੇਦਨਾਵਾਂ ਨੂੰ ਬਹੁਤ ਹੀ ਪ੍ਰਭਾਵਸ਼ਾਲੀ ਢੰਗ ਨਾਲ ਪੇਸ਼ ਕੀਤਾ ਜਾਂਦਾ ਹੈ। ਉਨ੍ਹਾਂ ਦੀਆਂ ਰਚਨਾਵਾਂ ਵਿੱਚ ਕੁਦਰਤ ਨਾਲ ਪਿਆਰ ਅਤੇ ਮਨੁੱਖਤਾ ਲਈ ਚਿੰਤਾ ਸਾਫ਼ ਤੌਰ ‘ਤੇ ਦਿਖਾਈ ਦਿੰਦੀ ਹੈ।

ਹੌਲੀ-ਹੌਲੀ ਉਨ੍ਹਾਂ ਦੇ ਲੇਖ, ਕਵਿਤਾਵਾਂ ਅਤੇ ਕਹਾਣੀਆਂ ਵੱਖ-ਵੱਖ ਅਖਬਾਰਾਂ, ਰਸਾਲਿਆਂ ਅਤੇ ਆਨਲਾਈਨ ਮਾਧਿਅਮਾਂ ਵਿੱਚ ਪ੍ਰਕਾਸ਼ਿਤ ਹੋਣ ਲੱਗੀਆਂ। ਪਾਠਕਾਂ ਵੱਲੋਂ ਮਿਲੇ ਪਿਆਰ ਅਤੇ ਪ੍ਰਸ਼ੰਸਾ ਨੇ ਉਨ੍ਹਾਂ ਨੂੰ ਹੋਰ ਵੀ ਮਜ਼ਬੂਤੀ ਨਾਲ ਲਿਖਣ ਲਈ ਪ੍ਰੇਰਿਤ ਕੀਤਾ। ਉਨ੍ਹਾਂ ਦੀ ਲਿਖਤ ਸਿਰਫ਼ ਮਨੋਰੰਜਨ ਤੱਕ ਸੀਮਿਤ ਨਹੀਂ ਰਹੀ, ਸਗੋਂ ਸਮਾਜ ਨੂੰ ਇੱਕ ਚੰਗਾ ਸੰਦੇਸ਼ ਦੇਣ ਦਾ ਸਾਧਨ ਵੀ ਬਣੀ।

ਸਾਲ 2020 ਵਿੱਚ ਉਨ੍ਹਾਂ ਦੀ ਪਹਿਲੀ ਪੁਸਤਕ “ਆਖਿਰ ਕਦੋਂ ਤੱਕ” ਲੋਕ ਅਰਪਣ ਕੀਤੀ ਗਈ। ਇਸ ਪੁਸਤਕ ਨੂੰ ਪਾਠਕਾਂ ਅਤੇ ਸਾਹਿਤਕ ਵਰਗ ਵੱਲੋਂ ਕਾਫ਼ੀ ਸਰਾਹਨਾ ਮਿਲੀ। ਇਸ ਵਿੱਚ ਸਮਾਜਕ ਮਸਲਿਆਂ ਅਤੇ ਮਨੁੱਖੀ ਦਰਦ ਨੂੰ ਬੜੀ ਸੰਵੇਦਨਸ਼ੀਲਤਾ ਨਾਲ ਦਰਸਾਇਆ ਗਿਆ। ਇਸ ਤੋਂ ਬਾਅਦ ਜਨਵਰੀ 2024 ਵਿੱਚ ਉਨ੍ਹਾਂ ਦੀ ਬਾਲ ਸਾਹਿਤ ਪੁਸਤਕ “ਸੋਚ ਤੋਂ ਸੱਚ ਤੱਕ” ਪ੍ਰਕਾਸ਼ਿਤ ਹੋਈ। ਇਸ ਪੁਸਤਕ ਰਾਹੀਂ ਉਨ੍ਹਾਂ ਨੇ ਬੱਚਿਆਂ ਨੂੰ ਚੰਗੀ ਸੋਚ, ਨੈਤਿਕ ਮੁੱਲਾਂ ਅਤੇ ਜੀਵਨ ਦੀ ਸਹੀ ਦਿਸ਼ਾ ਵੱਲ ਪ੍ਰੇਰਿਤ ਕਰਨ ਦੀ ਕੋਸ਼ਿਸ਼ ਕੀਤੀ।

ਬਲਜਿੰਦਰ ਕੌਰ ਸ਼ੇਰਗਿੱਲ ਨੂੰ ਹੁਣ ਤੱਕ ਕਈ ਸਾਹਿਤਕ ਅਤੇ ਸਮਾਜਕ ਸਨਮਾਨ ਪ੍ਰਾਪਤ ਹੋ ਚੁੱਕੇ ਹਨ। ਉਹ ਕਈ ਸਾਂਝੇ ਕਾਵਿ ਸੰਗ੍ਰਹਾਂ ਅਤੇ ਸੰਪਾਦਿਤ ਪੁਸਤਕਾਂ ਨਾਲ ਵੀ ਜੁੜੀਆਂ ਰਹੀਆਂ ਹਨ। ਦੇਸ਼ ਅਤੇ ਵਿਦੇਸ਼ ਦੀਆਂ ਕਈ ਮੈਗਜ਼ੀਨਾਂ ਅਤੇ ਡਿਜ਼ਿਟਲ ਪਲੇਟਫਾਰਮਾਂ ‘ਤੇ ਉਨ੍ਹਾਂ ਦੀਆਂ ਰਚਨਾਵਾਂ ਲਗਾਤਾਰ ਪ੍ਰਕਾਸ਼ਿਤ ਹੋ ਰਹੀਆਂ ਹਨ। ਇਹ ਉਨ੍ਹਾਂ ਦੀ ਲਿਖਤ ਦੀ ਪ੍ਰਸਿੱਧੀ ਅਤੇ ਪਾਠਕਾਂ ਨਾਲ ਜੁੜਾਅ ਦਾ ਪ੍ਰਮਾਣ ਹੈ।

ਉਨ੍ਹਾਂ ਦਾ ਵਿਸ਼ਵਾਸ ਹੈ ਕਿ ਲਿਖਤ ਸਿਰਫ਼ ਅੱਜ ਦੇ ਸਮੇਂ ਲਈ ਨਹੀਂ ਹੁੰਦੀ, ਸਗੋਂ ਇਹ ਆਉਣ ਵਾਲੀਆਂ ਪੀੜ੍ਹੀਆਂ ਲਈ ਇੱਕ ਅਹਿਮ ਦਸਤਾਵੇਜ਼ ਬਣ ਜਾਂਦੀ ਹੈ। ਉਨ੍ਹਾਂ ਦੀ ਕਲਮ ਸਮਾਜ ਦੇ ਦਰਦ ਨੂੰ ਸਮਝਦੀ ਵੀ ਹੈ ਅਤੇ ਉਸ ਨੂੰ ਆਵਾਜ਼ ਵੀ ਦਿੰਦੀ ਹੈ। ਬਲਜਿੰਦਰ ਕੌਰ ਸ਼ੇਰਗਿੱਲ ਅੱਜ ਵੀ ਪੂਰੀ ਇਮਾਨਦਾਰੀ ਅਤੇ ਸਮਰਪਣ ਨਾਲ ਸਾਹਿਤ ਅਤੇ ਪੱਤਰਕਾਰਤਾ ਦੇ ਖੇਤਰ ਵਿੱਚ ਸਰਗਰਮ ਹਨ। ਉਨ੍ਹਾਂ ਦਾ ਇਹ ਸਫ਼ਰ ਨਵੀਂ ਪੀੜ੍ਹੀ ਲਈ ਇੱਕ ਪ੍ਰੇਰਣਾ ਹੈ, ਜੋ ਇਹ ਸਿੱਖਾਉਂਦਾ ਹੈ ਕਿ ਸੱਚੀ ਲਿਖਤ ਦਿਲਾਂ ਨੂੰ ਛੂਹਣ ਦੇ ਨਾਲ-ਨਾਲ ਸਮਾਜ ਨੂੰ ਬਦਲਣ ਦੀ ਤਾਕਤ ਵੀ ਰੱਖਦੀ ਹੈ।

 ਡਾ ਮਹਿੰਦਰ ਸਿੰਘ ਝੱਮਟ

ਸਹਿ ਸੰਪਾਦਕ, ਕੋਹਿਨੂਰ ਟਾਈਮਜ਼ ਟਾਈਮਜ਼ ਰੋਜ਼ਾਨਾ ਪੰਜਾਬੀ

ਮੋਬਾਇਲ ਨੰਬਰ: 99158-98210

“ਮੇਰਾ ਸਾਹਿਤਕ ਸਫ਼ਰ” ਮੇਹਨਤ, ਜਜ਼ਬਾ ਤੇ ਰੂਹਾਨੀ ਅਹਿਸਾਸ ਸਾਫ਼ ਦਿਖਾਈ ਦਿੰਦੇ ਹਨ: ਇੰਦਰਜੀਤ ਸਿੰਘ 

ਤੁਹਾਡਾ “ਮੇਰਾ ਸਾਹਿਤਕ ਸਫ਼ਰ” ਦਿਲੋਂ ਲਿਖਿਆ ਹੋਇਆ ਹੈ ਅਤੇ ਇਸ ਵਿੱਚ ਤੁਹਾਡੀ ਮੇਹਨਤ, ਜਜ਼ਬਾ ਤੇ ਰੂਹਾਨੀ ਅਹਿਸਾਸ ਸਾਫ਼ ਦਿਖਾਈ ਦਿੰਦੇ ਹਨ। 

ਲਿਖਤ ਦਾ ਸਭ ਤੋਂ ਵੱਡਾ ਮਜ਼ਬੂਤ ਪੱਖ ਇਹ ਹੈ ਕਿ ਇਹ ਸਿਰਫ਼ ਜਾਣਕਾਰੀ ਨਹੀਂ ਦਿੰਦੀ, ਸਗੋਂ ਪਾਠਕ ਨੂੰ ਤੁਹਾਡੇ ਸਫ਼ਰ ਨਾਲ ਜੋੜਦੀ ਹੈ, ਸ਼ੁਰੂਆਤ ਤੋਂ ਲੈ ਕੇ ਪ੍ਰਾਪਤੀਆਂ ਤੱਕ ਇੱਕ ਲਗਾਤਾਰ ਯਾਤਰਾ ਮਹਿਸੂਸ ਹੁੰਦੀ ਹੈ।

ਸ਼ੁਰੂਆਤ ਬਹੁਤ ਵਧੀਆ ਹੈ, ਪਰ ਅੰਤ ‘ਚ ਇੱਕ ਮਜ਼ਬੂਤ ਸੰਦੇਸ਼ ਜਾਂ ਪ੍ਰੇਰਣਾ ਵਾਲੀ ਲਾਈਨ ਹੋਰ ਪ੍ਰਭਾਵ ਛੱਡ ਸਕਦੀ ਹੈ।

ਕੁੱਲ ਮਿਲਾ ਕੇ ਇਹ ਲੇਖ ਸੱਚਾਈ, ਮਿਹਨਤ ਅਤੇ ਲਿਖਣ ਦੇ ਜਜ਼ਬੇ ਦੀ ਬਹੁਤ ਸੋਹਣੀ ਝਲਕ ਹੈ। ਥੋੜ੍ਹੀ ਸੰਪਾਦਨਾ ਨਾਲ ਇਹ ਇੱਕ ਸ਼ਾਨਦਾਰ ਪ੍ਰੇਰਣਾਦਾਇਕ ਲੇਖ ਬਣ ਸਕਦਾ ਹੈ।

“ਉੱਚਾ ਦਰ ਬਾਬੇ ਨਾਨਕ ਦਾ” ਸੱਚਮੁੱਚ ਪੰਜਾਬ ਦੀ ਰੂਹ ਅਤੇ ਬਾਬੇ ਨਾਨਕ ਦੇ ਫਲਸਫ਼ੇ ਨੂੰ ਦਰਸਾਉਂਦਾ ਅਨੋਖਾ ਅਜੂਬਾ ਹੈ।

ਇਸ ਤਰ੍ਹਾਂ ਦੇ ਅਜਾਇਬ ਘਰ ਸਾਡੀ ਨਵੀਂ ਪੀੜ੍ਹੀ ਨੂੰ ਇਤਿਹਾਸ, ਸੱਚ ਅਤੇ ਮਨੁੱਖਤਾ ਨਾਲ ਜੋੜਨ ਦਾ ਮਹਾਨ ਕੰਮ ਕਰ ਰਹੇ ਹਨ।

ਬਹੁਤ ਹੀ ਖੂਬਸੂਰਤ ਲੇਖਣੀ ਅਤੇ ਦਿਲ ਨੂੰ ਛੂਹਣ ਵਾਲੀ ਪੇਸ਼ਕਾਰੀ।

ਸੱਤ ਸੁਮੰਦਰੋਂ ਪਾਰ ਮੈਗਜ਼ੀਨ ਦੇ ਮੁੁੱਖ ਸੰਪਾਦਕ 

ਇੰਦਰਜੀਤ ਸਿੰਘ 

9814805761

 ਮਿਹਨਤ ਸਦਾ ਰੰਗ ਦਿਖਾਉਦੀ ਹੈ : ਪ੍ਰਿੰਸੀਪਲ ਬਹਾਦਰ ਸਿੰਘ ਗੋਸਲ 

Wonderful presentation. ਬਹੁਤ ਕੁਝ ਯਾਦ ਰੱਖਿਆ ਜੀ ਆਪ  ਨੇ। ਸਦਾ ਚੜਦੀ ਕਲਾ ਵਿੱਚ ਰਹੋ ਜੀ। ਮਿਹਨਤ ਸਦਾ ਰੰਗ ਦਿਖਾਉਦੀ ਹੈ ਜੀ। ਕਮਾਲ ਦੀ ਪੇਸ਼ਕਾਰੀ ਹੈ ਜੀ। ਤੁਹਾਡੀ ਸਾਹਿਤਕ ਰੁਚੀ ਨੂੰ ਸਲਾਮ ਹੈ ਜੀ। ਤੁਹਾਡਾ ਪੰਜਾਬੀ ਪਿਆਰ ਦੇਖ ਕੇ ਸਾਨੂੰ ਵੀ ਮਾਣ ਹੁੰਦਾ ਹੈ ਜੀ।

ਪ੍ਰਿੰਸੀਪਲ ਬਹਾਦਰ ਸਿੰਘ ਗੋਸਲ 

ਸੰਪਰਕ ਨੰਬਰ-98764-52223

ਤੁਹਾਡਾ ਸਾਹਿਤਕ ਸਫ਼ਰ ਯੰਗ ਜਨਰੇਸ਼ਨ ਲਈ ਪ੍ਰੇਰਨਾਦਾਇਕ : ਦਵਿੰਦਰ ਸਿੰਘ

ਬਲਜਿੰਦਰ ਜੀ, ਤੁਸੀਂ ਆਪਣੇ ਸਾਹਿਤਕ ਸਫਰ ਬਾਰੇ ਬਹੁਤ ਵਧੀਆ ਲਿਖਿਆ ਹੈ। ਤੁਹਾਡੇ ਵੱਲੋਂ ਆਪਣੀਆਂ ਪ੍ਰਾਪਤੀਆਂ ਨੂੰ ਕਲਮਬੰਦ ਕਰਕੇ ਇਹ ਜੋ ਡਾਕੂਮੈਂਟ ਤਿਆਰ ਕੀਤਾ ਹੈ। ਇਹ ਤੁਹਾਡੇ ਪਰਿਵਾਰ ਦੇ ਬੱਚਿਆਂ ਲਈ ਇੱਕ ਬਹੁਤ ਵਧੀਆ ਤੋਹਫਾ ਹੈ। ਯੰਗ ਜਨਰੇਸ਼ਨ ਨੂੰ ਇਸ ਤੋਂ ਬਹੁਤ ਪ੍ਰੇਰਨਾ ਮਿਲੇਗੀ ਕਿ ਪੜ੍ਹਾਈ ਲਿਖਾਈ ਦੇ ਖੇਤਰ ਵਿੱਚ ਕੁਝ ਨਾ ਕੁਝ ਚੰਗਾ ਕਰਦੇ ਰਹੀਏ। ਸਾਡੀਆਂ ਹਮੇਸ਼ਾ ਦੁਆਵਾਂ ਨੇ ਕਿ ਤੁਸੀਂ ਚੰਗਾ ਲਿਖਦੇ ਰਹੋ ਔਰ ਬੁਲੰਦੀਆਂ ਛੂਦੇ ਰਹੋ।

Davinder Singh 

Programme Executive (Retd)

All India Radio, Chandigarh.

9872190740

ਤੁਹਾਡੀ ਕਲਮ ਨੂੰ ਸਲਾਮ : ਜਗਵੀਰ ਕੌਰ (Artist)

ਬਹੁਤ ਹੀ ਵਧੀਆ ਜੀ ਸਹੀ ਕਿਹਾ ਤੁਸੀਂ ਲਿਖਣਾ ਹਰ ਇਕ ਦੇ ਵੱਸ ਦੀ ਗੱਲ ਨਹੀਂ ਤੁਹਾਡੀ ਸੋਚ ਤੇ ਤੁਹਾਡੀ ਕਲਮ ਨੂੰ ਸਲਾਮ ਤੇ ਤੁਹਾਨੂੰ ਬਹੁਤ ਬਹੁਤ ਮਬਾਰਕਾਂ, ਬਹੁਤ ਵਧੀਆ ਲਿਖਿਆ ਤੁਸੀ, ਤੁਹਾਡੇ ਲੇਖਾਂ ਰਾਹੀਂ ਅਸੀਂ ਆਪਣੇ ਵਿਰਸੇ ਨਾਲ ਜੁੜੇ ਰਹੀਏ ਧੁੰਦਲੀਆਂ ਯਾਦਾਂ ਨੂੰ ਤਾਜ਼ਾ ਕਰ ਸਕੀਏ , ਤੁਹਾਡੀਆਂ ਰਚਨਾਵਾਂ ਤੇ ਤੁਹਾਡੀਆਂ ਉਪਲਬੱਧੀਆਂ ਲਈ।  

Artist ਜਗਵੀਰ ਕੌਰ 

https://www.instagram.com/eknoorart?utm_source=qr&igsh=MXV6aWl1Y3pwc2t4aQ==

9501934512

ਤੁਹਾਡੇ ਆਰਟੀਕਲ ਅਤੇ ਕਵਿਤਾਵਾਂ ਬਹੁਤ ਮਿਹਨਤ ਨਾਲ ਲਿਖੇ ਹੋਏ:ਜਗਮੋਹਨ ਸਿਘ ਲੱਕੀ 

ਬਹੁਤ ਵਧੀਆ, ਤੁਸੀਂ ਦਿਨੋਂ ਦਿਨ ਤਰੱਕੀ ਕਰ ਰਹੇ ਹੋ , ਮੈਨੂੰ ਦਿਲੋਂ ਖੁਸ਼ੀ ਹੁੰਦੀ ਹੈ ਕਿ ਕੋਈ ਆਪਣਾ ਪੁਰਾਣਾ ਸਾਥੀ ਚੰਗੀ ਤਰੱਕੀ ਕਰ ਰਿਹਾ ਹੈ। ਮੈਂ ਦੁਆ ਕਰਦਾ ਹਾਂ ਕਿ ਇਸੇ ਤਰ੍ਹਾਂ ਹੋਰ ਤਰੱਕੀ ਕਰਦੇ ਰਹੋ। ਤੁਹਾਡੇ ਕਈ ਆਰਟੀਕਲ ਅਤੇ ਕਵਿਤਾਵਾਂ ਮੈਂ ਪੜੀਆਂ ਹਨ, ਸਾਰੇ ਬਹੁਤ ਚੰਗੇ ਹਨ। ਬਹੁਤ ਮਿਹਨਤ ਨਾਲ ਲਿਖੇ ਹੋਏ ਹਨ।  ਇਸੇ ਤਰ੍ਹਾਂ ਤਰੱਕੀ ਕਰਦੇ ਰਹੋ।                                  

ਲੇਖਕ -ਜਗਮੋਹਨ ਸਿੰਘ ਲੱਕੀ (ਪਟਿਆਲਾ)

94638-19174

ਬਲਜਿੰਦਰ ਜੀ ਤੁਸੀਂ ਸੱਚੀ-ਸੁੱਚੀ ਸਹਿਤਕ ਘਾਲਣਾ ਘਾਲ ਰਹੇ ਹੋ : ਮਨਜੀਤ ਸਿੰਘ ਮੁਝੈਲ

ਬਲਜਿੰਦਰ ਜੀ ਤੁਸੀਂ ਸੱਚੀ-ਸੁੱਚੀ ਸਹਿਤਕ ਘਾਲਣਾ ਘਾਲ ਰਹੇ ਹੋ। ਵਖੋ-ਵੱਖ ਪੜਾਵਾਂ ਤੋਂ ਗੁਜ਼ਰਦਿਆਂ ਸਹਿਜੇ ਹੀ ਨਿਖਾਰ ਅਉਂਦਾ ਚਲਿਆ ਜਾਂਦਾ ਹੈ। ਬਹੁ-ਪਖੀ ਸ਼ਖਸੀਅਤ ਦੇ ਮਾਲਕ ਹੋ। ਵਾਹਿਗੁਰੂ ਤਰਕੀਆਂ ਬਖਸ਼ਣ।

ਲੇਖਕ- ਮਨਜੀਤ ਸਿੰਘ ਮੁਝੈਲ 

ਸੰਪਰਕ ਨੰ: 9814407940

ਬਲਜਿੰਦਰ ਜੀ ਤੁਹਾਡੀ ਕਲਮ ਭਾਵਨਾਵਾਂ ਦੀ ਰੌਸ਼ਨੀ ਹੈ?- “ਜਸਵੰਤ ਸਿੰਘ ਢੀਂਡਸਾ’’

ਆਪ ਦੀ ਕਲਮ ਵਿੱਚ ਸੰਸਕਾਰਾਂ ਦੀ ਖੁਸ਼ਬੂ, ਪੰਜਾਬੀ ਮਿੱਟੀ ਦੀ ਮਿਠਾਸ ਅਤੇ ਇਤਿਹਾਸਕ ਚੇਤਨਾ ਦੀ ਚਮਕ ਸਾਫ਼ ਦਿਖਾਈ ਦਿੰਦੀ ਹੈ। “ਉੱਚਾ ਦਰ ਬਾਬੇ ਨਾਨਕ ਦਾ”ਵਰਗੇ ਵਿਸ਼ਿਆਂ ਨੂੰ ਆਪ ਨੇ ਜਿਵੇਂ ਦਰਸਾਇਆ ਹੈ, ਉਹ ਸਿਰਫ਼ ਜਾਣਕਾਰੀ ਨਹੀਂ , ਸਗੋਂ ਪਾਠਕ ਦੇ ਅੰਦਰ ਇੱਕ ਆਧਿਆਤਮਿਕ ਅਨੁਭਵ ਜਗਾਉਂਦਾ ਹੈ। ਆਪ ਦੀਆਂ ਰਚਨਾਵਾਂ ਵਿੱਚ ਨਵੀਂ ਸੋਚ, ਪਰੰਪਰਾਵਾਂ ਨਾਲ ਜੋੜ ਅਤੇ ਰਚਨਾਤਮਕਤਾ ਦਾ ਅਨੋਖਾ ਮੇਲ ਹੈ।

ਆਪ ਦੇ ਲੇਖ ਸਮਾਜ ਲਈ ਪ੍ਰੇਰਣਾ ਹਨ। ਜੋ ਸਿਰਫ਼ ਲਿਖੇ ਨਹੀਂ ਹੁੰਦੇ, ਸਗੋਂ ਪੜ੍ਹਨ ਵਾਲੇ ਦੇ ਦਿਲ ਵਿੱਚ ਸੋਚ ਦਾ ਦੀਵਾ ਜਗਾਉਂਦੇ ਹਨ। ਆਪ ਦੀ ਕਲਮ ਬਾਰੇ ਸਿਰਫ ਏਹੋ ਹੀ ਲਿਖਿਆ ਜਾ ਸਕਦਾ ਹੈ ਕਿ ਇਹ ਸਿਰਫ਼ ਲਿਖਤ ਨਹੀਂ, ਇੱਕ ਜੀਵੰਤ ਸਾਹਿਤਕ ਯਾਤਰਾ ਹੈ ਜੋ ਲੰਮਾ ਸਮਾਂ ਯਾਦ ਰਹੇਗੀ।

ਜਸਵੰਤ ਸਿੰਘ ਢੀਂਡਸਾ”

ਸੇਵਾ ਮੁਕਤ ਸੀਨੀਅਰ ਅਸਿਸਟੈਂਟ ਵਾਟਰ ਸਪਲਾਈ ਵਿਭਾਗ ਮੋਹਾਲੀ

ਪਿੰਡ ਈਸਰਹੇਲ ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ (ਮੌਜੂਦਾ ਰਿਹਾਇਸ਼ ਸੰਨੀ ਇਨਕਲੇਵ ਖਰੜ)

ਸੰਪਰਕ ਨੰ: 9779916631

ਕਵਿਤਰੀ ਬਲਜਿੰਦਰ ਕੌਰ ਸ਼ੇਰਗਿੱਲ ਦਾ ਕਾਵਿ ਔਰਤ-ਮਰਦ ਦੇ ਅਵਚੇਤਨ ਮਨ ਨੂੰ ਪੇਸ਼ ਕਰਦੀ ਹੈ -ਡਾ. ਪ੍ਰਦੀਪ ਸਿੰਘ 

ਕਵਿਤਰੀ ਬਲਜਿੰਦਰ ਕੌਰ ਸ਼ੇਰਗਿੱਲ ਦਾ ਕਾਵਿ ਔਰਤ-ਮਰਦ ਦੇ ਅਵਚੇਤਨ ਮਨ ਨੂੰ ਪੇਸ਼ ਕਰਦਾ ਹੈ। ਮਨ ਦੀਆਂ ਅਸੀਮ ਪਰਤਾਂ ਨੂੰ ਖੋਲ੍ਹ ਦੀ ਹੋਈ ਲਫ਼ਜਾਂ ਨਾਲ ਇਕ ਵੱਖਰਾ ਸੰਸਾਰ ਸਿਰਜਦੀ ਹੈ। ਔਰਤ-ਮਰਦ ਦੇ ਅਵਚੇਤਨ ਨੂੰ ਛੂਹਦੀ ਹੋਈ ਆਖਰੀ ਧੁੰਨ ਤੱਕ ਪਹੁੰਚ ਦੀ ਸਮਰੱਥਾ ਰੱਖਦੀ ਹੈ।ਕਵਿਤਰੀ ਜਿਥੇ ਅਵਚੇਤਨ ਦੀ ਗੱਲ ਕਰਦੀ ਹੈ ਉਥੇ ਹੀ ਸਮਾਜਕ ਤਾਣੇ ਬਾਣੇ ਨੂੰ ਵੀ ਸਮਝਦੀ ਹੋਈ ਕਾਵਿ ਨੂੰ ਆਨੰਦਮਈ ਬਣਾ ਕੇ ਇਕ ਪਰਤ ਤੋਂ ਦੂਜੀ ਪਰਤ ਵਿੱਚ ਪ੍ਰਵੇਸ਼ ਕਰਦੀ ਹੈ। ਕਾਵਿ ਵਿੱਚ ਇਕ ਅਜਿਹੀ ਪਿਆਸ ਹੈ ਜੋ ਹਰ ਇਕ ਨੂੰ ਆਪਣੇ ਵਲ ਖਿੱਚ ਲੈਂਦੀ ਹੈ। ਜੇਕਰ ਕਾਵਿ ਯੁਕਤਾਂ ਦੀ ਗੱਲ ਕਰੀਏ ਤਾਂ ਹਲੇ ਹੋਰ ਸ਼ਬਦਾਂ ਨਾਲ ਘੁੱਲਣ ਦੀ ਜ਼ਰੂਰਤ ਮਹਿਸੂਸ ਹੁੰਦੀ ਹੈ। ਪੰਜਾਬ ਤੇ ਪੰਜਾਬੀਅਤ ਲਈ ਕਲਮ ਹਮੇਸ਼ਾ ਇਕ ਆਵਾਜ਼ ਬਣ ਕੇ ਉੱਠਦੀ ਰਹੇ।

- ਡਾ. ਪਰਦੀਪ ਗਿੱਲ 

8196022716