ਖਿਆਲਾਂ ਦੀ ਜਦ ਮੈਂ ਪੋਟਲੀ ਬਣਾਈ,
ਉਸ ’ਚ ਤੋਹਫ਼ਿਆਂ (ਦਰਦਾਂ) ਦੀ ਸੇਜ ਸਜਾਈ।
ਜ਼ਿਹਨ ’ਚ ਸ਼ਬਦਾਂ ਨੇ ਰੌਣਕ ਲਾਈ,
ਫਿਰ ਕਾਗਜ਼ ਤੇ ਘੜ- ਘੜ ਸਿਹਾਈ ਮੁਕਾਈ।
ਮੁਹੱਬਤਾਂ ਦੇ ਸੁੱਚੇ ਖ਼ੁਆਬ ਸਜਾਏ,
ਸ਼ੀਸ਼ੇ ਅੱਗੇ ਆ ਸਵਾਲ ਉਠਾਏ।
ਰੱਬ ਨਾਲ ਰੋਜ਼ ਕਰਾ ਲੜਾਈਆਂ,
ਫਿਰ ਉਸੇ ਅੱਗੇ ਸੀਸ ਚਰਨੀਂ ਪਾਏ।
ਰੋ- ਰੋ ਕੇ ਬੁਰੇ ਹਾਲ ਕਰਾਏ,
ਹੰਝੂ ਨਾ ਕਿਸੇ ਸਾਫ਼ ਕਰਾਏ।
ਖ਼ਾਬਾਂ ਦੀ ਇੱਕ ਦੁਨੀਆਂ ਵਸਾਈ,
ਜਿਸ ’ਚ ਖੁਦਾ ਨੇ ਭਰ ਦਿੱਤੀ ਖੁੁਦਾਈ।
ਕਹਿੰਦੇ ‘‘ਬਲਜਿੰਦਰ’’ ਸ਼ਾਇਰਾਂ ’ਚ ਆਈ,
ਜੋ ਮੀਰਾਂ ਵਾਂਗ ਫਿਰੇ ਭੇਸ ਬਣਾਈ।
ਖਿਆਲਾਂ ਦੀ ਜਦ ਮੈਂ ਪੋਟਲੀ ਬਣਾਈ,
ਉਸ ’ਚ ਤੋਹਫ਼ਿਆਂ (ਦਰਦਾਂ) ਦੀ ਸੇਜ ਸਜਾਈ।
ਬਲਜਿੰਦਰ ਕੌਰ ਸ਼ੇਰਗਿੱਲ
No comments:
Post a Comment